Собиқ жаҳон чемпиони Тошкентда рингга кўтарилади + ПОСТЕР

Маълум бўлишича, "Ҳумо Арена"да ўтказиладиган кечада ярим енгил вазн тоифасида WBO йўналиши бўйича собиқ жаҳон чемпиони, кубалик Робейси Рамирес ҳам иштирок этади. Рамиресга турнир доирасида Тожикистон вакили Асрор Воҳидов рақиб бўлади. 

Маълумот учун, Робейси фаолияти давомида 17 та жанг ўтказиб, 14 та ғалаба ва 3 та мағлубият қайд этган. У охирги жангида мексикалик Рафаэль Эспинозага мағлуб бўлиб, чемпионлик камаридан айрилган эди.

Асрор Воҳидов ҳисобида эса 13 та ғалаба ва 1 та мағлубият бор.

Оқшомнинг марказий жанги ҳамюртимиз Муроджон Аҳмадалиев ҳамда Венесуэла вакили Эгли Москеда ўртасида кечади.