22 мар 15:21
Янгиликлар

Бокс/ММА

Собиқ мутлақ жаҳон чемпиони эртанги жанг олдидан рақибидан 100 грамм енгил тош босди

Эртага Австралиянинг Сидней шаҳрида катта профессионал бокс турнири бўлиб ўтади.

Оқшомнинг асосий жанги енгил вазн тоифасида собиқ мутлақ жаҳон чемпиони Жорж Камбосос австралиялик Жейк Уиллига қарши рингга кўтарилади. Эртанги жанг олдидан боксчилар тарозидан ўтиш маросимида ҳозир бўлишди.

Иккала боксчи ҳам белгиланган вазн меъёрини бажаришди:

Жорж Камбосос — 63,2 кг;

Жейк Уилли — 63,3 кг.

Шунингдек, турнир доирасида чеченистонлик нокаутчи, яримоғир вазн тоифаси вакили, Токио-2020 Олимпиадаси совриндори Имам Хатаев ҳам ўзининг навбатдаги жангини ўтказади. Хатаев аргентиналик Дурваль Паласиога қарши рингга чиқади.

Бу икки боксчи ҳам вазн меъёрини уддалашди:

Имам Хатаев — 79,8 кг;

Дурваль Паласио — 79,9 кг.