Собиқ UFC чемпиони Алекса Грассо қайтмоқда. Уни 7 ғалабали серия билан келаётган рақиб кутмоқда!

Аргентиналик аралаш яккакураш устаси 28 март куни октагонга қайтади. Алекса шу куни АҚШнинг Сиэтл шаҳрида бўлиб ўтадиган UFC Fight Night 271 турнирида америкалик Мейси Барберга қарши жанг ўтказади. 

Алекса Грассо икки мағлубиятли серия билан бу жангга келмоқда. 2024 йилнинг сентябрь ойида Валентина Шевченко билан чемпионлик трилогиясининг сўнгги жангида чемпионлик камарини йўқотган Грассо ўтган йилнинг майида ҳакамларнинг якдил қарори билан бразилиялик Наталия Сильва имкониятни бой бериб қўйганди. Аслида Алекса 24 январь куни яна бир собиқ чемпион Роуз Намаюнасга қарши октагонга чиқиши керак эди. Аммо мексикалик жароҳат олиб, бу жанг бекор бўлганди.

Таққослаш учун, Мейси Барбер кетма-кет еттита ғалабага эришди. Сўнгги жангини ўтган йилнинг декабрь ойида Карин Сильвага қарши ўтказиб, ҳакамларнинг якдил қарори эвазига зафар қучди. Айни пайтда Грассо ва Барбер UFC’нинг аёллар ўртасидаги энг енгил дивизиони рейтингида мос равишда учинчи ва бешинчи ўринларни эгаллаб турибди.