11 окт 12:15
Янгиликлар

Бокс/ММА

Собиқ UFC чемпиони Жамал Хиллга жанг беришди

Яримоғир вазн тоифасида собиқ UFC чемпиони Жамал Хилл навбатдаги жанги ҳақида маълумот берди.

"Рақиб номини биламиз. Шу кунларда шартномага имзо чекаман ва шундан сўнг бу ҳақда расмий маълумот тақдим этилади. Ҳаммаси расман бўлмагунча, рақиб номини ошкор эта олмайман. Тез орада машғулотларни бошлайман", - деди Хилл.

Аввалроқ, Хилл билан жанг қилиш истагини унинг ҳамюрти Халил Раунтри билдирганди. Халил якшанба тонгида чемпион Алекс Перейрага техник нокаут эвазига ютқазганди. Жамал Хилл эса ўзининг сўнгги жангини шу йил апрель ойида айнан Перейрага қарши ўтказиб, биринчи раунддаёқ нокаутга учраганди. Айни пайтда Жамал UFC яримоғир вазн рейтингида 3-ўринни эгаллаб турибди.