28 мар 10:28
Янгиликлар

Бокс/ММА

Собиқ UFC маликаси Лиана Жожуа Karate Combat турнирида жанг қилди (ВИДЕО)

Россиянинг Екатеринбург шаҳрида RCC ва Karate Combat промоушенларининг қўшма турнири бўлиб ўтди.

Оқшом доирасида грузиялик собиқ UFC жангчиси Лиана Жожуа россиялик Диана Погосянга қарши баҳс олиб борди. Оралиқ вазн (64 кг) тоифасида ташкил этилган уч раундлик жангда Погосян номдор рақибасини очколар ҳисобига кўра мағлубиятга учратди.

2024 йилда фаолиятини бошлаган Диана ғалабали сериясини тўртта жангга етказди. Ҳали профессионал даражада мағлуб бўлмаган. У шу кунгача Hardcore FC лигасида ўз жангларини ўтказиб келаётганди. 24 яшар Погосян Karate Combat промоушенида муваффақиятли дебют қилди. 30 ёшли Жожуа эса фаолиятидаги еттинчи мағлубиятини қабул қилиб олди. Ҳисобидаги ғалабалари сони саккизталигича қолди.