06 фев 08:26
Янгиликлар

Теннис

Sofia Open. Бугун Истомин 16 ёшли теннисчига қарши кортга чиқади

Болгариянинг София шаҳрида теннис бўйича Sofia Open турнирининг асосий тўр баҳслари бошланди.

Соврин жамғармаси 501 345 еврони ташкил қилувчи ушбу мусобақада ҳамюртимиз Денис Истомин ҳам иштирок этади. Бугун Истомин биринчи давра учрашувида болгариялик Адриан Андреевга қарши кортга чиқади.

Бу йил май ойида 17 ёшга тўладиган Андреев ATP рейтингида қайд этилмаган. Унга турнир ташкилотчилари имтиёзли йўлланма беришган. Истомин эса мусобақага дунёнинг 75-ракеткаси сифатида кўрсатилган. Истомин - Андреев баҳси Тошкент вақти билан соат 18:00да бошланади.