08 фев 08:41
Янгиликлар
Теннис
Sofia Open. Бугун Истомин Троицкига қарши кортга чиқади
Шу кунларда Болгариянинг София шаҳрида теннис бўйича Sofia Open турнири бўлиб ўтмоқда.
Соврин жамғармаси 501 345 еврони ташкил қилувчи мусобақада иштирок этаётган ҳамюртимиз Денис Истомин бугун иккинчи учрашувини ўтказади. Унинг рақиби Виктор Троицки бўлади. Сербиялик теннисчи турнирда олтинчи рақам остида ҳаракат қиляпти.
Истомин биринчи даврада болгариялик 16 ёшли Адриан
Андреевни 6:3, 6:4 ҳисобида мағлуб этганди. Троицки эса латвиялик Эрнест
Гулбисдан уч сет натижасига кўра устун келган эди. Истомин - Троицки учрашуви бугун Тошкент вақти билан соат
16:30да бошланиши режалаштирилган.
Таққослаш учун, сербиялик бу теннисчи дунё рейтингида 67, Истомин эса 74-ўринни эгаллаб турибди. Теннисчилар шу кунгача ўзаро икки маротаба тўқнаш келишган. Учрашувларнинг бирида Истомин, иккинчисида Троицки ғалабага эришган.
Ҳавола :
Манба : olamsport.com
Фикрлар