05 фев 07:51
Янгиликлар

Теннис

Sofia Open. Истомин бугун 16 ёшли теннисчига қарши кортга чиқади

Бугун Болгариянинг София шаҳрида теннис бўйича Sofia Open турнирининг асосий тўр баҳслари бошланади.

Соврин жамғармаси 501 345 еврони ташкил қилувчи ушбу мусобақада ҳамюртимиз Денис Истомин ҳам иштирок этади. Бугун Истомин биринчи давра учрашувида болгариялик Адриан Андреевга қарши кортга чиқади.

Бу йил май ойида 17 ёшга тўладиган Андреев ATP рейтингида қайд этилмаган. Унга турнир ташкилотчилари имтиёзли йўлланма тақдим этишган. Истомин эса мусобақага дунёнинг 75-ракеткаси сифатида кўрсатилган.

Агар Денис бу баҳсда ғалаба қозонса, иккинчи даврада катта эҳтимол билан сербиялик Виктор Троицки билан тўқнаш келади. Троицки турнирнинг олтинчи ракеткаси сифатида ҳаракат қилади.