21 ноя 09:49
Янгиликлар

Бокс/ММА

Сўнгги жангида Гусковдан нокаут бўлган Никита Крилов UFC 324 турнирида октагонга чиқади

Россиялик яримоғир вазн тоифаси вакили Никита Криловнинг навбатдаги жанги тафсилотлари маълум бўлди.

Крилов 24 январь куни АҚШнинг Лас-Вегас шаҳрида ташкил этиладиган UFC 324 турнирида литвалик Модестас Букаускасга қарши октагонга чиқади. Никита икки мағлубиятли серия билан келмоқда. У Доминик Рейес ва ҳамюртимиз Богдан Гусковга биринчи раунддаёқ нокаут билан имкониятни бой берган эди.

Модестас Букаускас эса аксинча, кетма-кет тўртта жангда ғалаба қозонди. Охирги жангида Пол Крэйгни биринчи раундда нокаутга учратди. Айни пайтда Никита Крилов UFC яримоғир вазн рейтингида 13-ўринни эгаллаб турибди. Букаускас эса ҳали Топ-15`га кирмаган. Агар Криловни мағлубиятга учратса, аниқ Топ-15`да бўлади.