21 ноя 15:25
Янгиликлар

Бошқалар

Сўнгги куннинг илк медалини жиу-житсучимиз тақдим этди

Теглар : VI Ислом бирдамлиги ўйинлари Сарварбек Раҳмонбердиев

Ўзбекистон спорт делегацияси VI Ислом бирдамлиги ўйинларининг сўнгги кунидаги илк медалига эга чиқди.

Жиу-житсу мусобақасининг -62 кг вазн тоифасидаги беллашувларида иштирок этган Сарварбек Раҳмонбердиев бронза медалини қўлга киритди. Терма жамоамиз аъзоси учинчи ўрин учун кечган баҳсда Қирғиз Республикаси спортчисини мағлуб этиб, бронза медали соҳибига айланди.

Раҳмонбердиев 1/8 финалда озарбайжонлик Мақсудхан Гулу-задани 14:2, 1/4 финалда БАА вакили Муҳаммад Ажажни 50:0 ҳисобида мағлубиятга учратди. Ярим финалда 0:50 ҳисобида амирлик Халед Алшеҳҳига имкониятни бой берди. Бронза медали учун кечган баҳсда эса қирғизистонлик Таалайбек Байшевни 11:4 ҳисобида енгди.