10 фев 10:33
Янгиликлар
Бокс/ММА
Спенс ва Угас ўртасида учта камар учун кечадиган жангнинг аниқ санаси маълум бўлди
Яримўрта вазн тоифасида WBC ва IBF чемпиони Эррол Спенс ўз Инстаграм саҳифасига яримўрта вазнда WBA чемпиони Йорденис Угас билан жангнинг аниқ санаси ва манзили маълум бўлгани ҳақида пост жойлади.
Спенснинг сўзларига кўра, жанг 16 апрель санасида Арлингтон (АҚШ)даги АТ&Т Stadiumда бўлиб ўтади.
Эслатиб ўтамиз, Спенс сўнгги жангини 2020 йил декабрь ойида собиқ жаҳон чемпиони Денни Гарсияга қарши ўтказиб, очколар эвазига ғолиб бўлган. Ўтган ёзда у еттита вазн тоифасида собиқ жаҳон чемпиони Менни Пакьяо билан жанг қилиши керак эди, аммо соғлигидаги муаммолар сабаб жангни бекор қилишга мажбур бўлган эди. Унинг ўрнига Угас Пакьяо билан жанг ўтказди ва очколар эвазига ғолиб бўлиб, WBA камари соҳибига айланди. Бу жанг филиппинлик боксчи учун сўнгги 25 ой ичидаги илк жанг эди. Жангдан кейин, Пакьяо боксдаги келажаги ҳақида ўйлаши кераклигини айтган эди.
Ҳавола :
Манба : Boxing Scene
Фикрлар