Спорт вазири Қорақалпоғистон Республикасида амалга оширилаётган ишлар билан танишди

Ўзбекистон Республикаси Спорт вазири Адҳам Икрамов Президентимиз томонидан белгилаб берилган вазифалар ижросини таъминлаш, жойларда оммавий ва профессионал спортни ривожлантириш борасидаги ишларни жонлантириш мақсадида Қорақалпоғистон Республикасида хизмат сафарида бўлиб турибди. 

Бугун ўрганиш ишлари дастлаб Мўйноқ туманида олиб борилди. Тумандаги спорт мактабларида машғулот жараёнлари ва инфратузилмаси, шунингдек, тумандаги маҳалла ёшлари ва спортчиларни қўллаб-қувватлаш бўйича амалга ошириш лозим бўлган ишлар ўрганилди.

Спорт вазири томонидан масъулларга шароитларни янада яхшилаш ва  спортчи-ўқувчиларга кенг имкониятлар яратиш бўйича кўрсатмалар берилди.