“Спортни сев, спорт билан яша” "Чақа"да + ФОТО

Вилоят Жисмоний тарбия ва спорт бошқармаси, вилоят футбол ассоциацияси ҳамда Ўзбекистон Миллий олимпия қўмитасининг вилоятдаги вакиллари томонидан Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг тадбиқ этиш ва оммавий спортни янада ривожлантириш чора-тадбирлари тўғрисида”ги ПФ-6099-сонли Фармони ижросини таъминлаш мақсадида “Спортни сев, спорт билан яша” шиори остида 18-30 ёшли маҳалла ёшлари ўртасида спортнинг мини футбол тури бўйича “Маҳаллада футбол” номи остида мусобақа ўтказилди ва унда 200 нафарга яқин спортсевар аҳоли иштирок этди.

Мазкур мини футбол мусобақасида вилоят жисмоний тарбия ва спорт бошқармаси бошлиғи Комил Халматов, вилоят футбол ассоциацияси ҳамда “Насаф” ФК раҳбарияти ходимлари ҳам иштирок этишиб, мусобақа иштирокчиларига омад тилашди.

Ғолиб ва совриндор жамоалар:

1-ўрин 1993-йиллар жамоаси;

2-ўрин 1994-йиллар жамоаси;

3-ўрин 1981-йиллар жамоаси;

Мусобақа сўнгида ғолиб-совриндор бўлган жамоалар ташкилотчилар томонидан диплом ва эсдалик совғалар билан такдирланишди. Шунингдек, мусобақа жараёнида энг фаол иштирок этган ҳолда ўз маҳоратини намойиш этган иштирокчилар “Энг яхши тўпурар”, “Энг яхши дарвозобон” ва “Энг яхши жамоа” номинациялари бўйича ҳам тақдирланишди.

Фахриддин Чориев, сайтимизнинг Қашқадарёдаги мухбири