14 авг 12:44
Янгиликлар
Бокс/ММА
Станионис Эннисга мағлуб бўлганидан кейинги илк жангини ўз уйида ўтказади
Профессионал бокснинг яримўрта вазн тоифасида собиқ WBA чемпиони Эймантас Станионис (15-1, 9 КО) Литвада рингга чиқади.
Boxing Scene маълумотларига кўра, у 27 сентябрь куни ўзи туғилиб ўсган Литванинг Каунас шаҳридаги Zalgiris Arena'да Жанубий африкалик Жабулани Махенсе (16-2, 8 КО)га қарши рингга кўтарилади.
Ўн раундга мўлжалланган жанг Эймантас учун проф фаолиятида ўз ватанида ўтказадиган илк беллашуви бўлади.
Станионис охирги жангини апрель ойида америкалик Жейрон Эннисга қарши ўтказиб, муддатидан олдин мағлуб бўлган ҳолда чемпионлик камаридан айрилганди.
Ҳавола :
Манба : Boxing Scene
Фикрлар