Шаҳрам Ғиёсов Жейрон Эннис ва Эймантас Станиониснинг кучли ва кучсиз томонларини солиштирди

— Энниснинг Станионисга қарши жангини кўрган бўлсангиз керак. Услуб жиҳатидан сиз учун қайси боксчи қулайроқ — Жейрон ёки Эймантас?

"Станиониснинг Эннис билан жангини кўрдим. Албатта, Эннис барибир Эннис. У ҳар томонлама кучли спортчи. Унда услуб битта эмас, етарлича. Станионис эса фақат бир услубда ишлайди. Унинг нима қилишини олдиндан билсангиз бўлади, устида ишлаш мумкин. Энниснинг нима қилишини эса умуман кутиб бўлмайди. Ўзи хоҳлаганича жанг қилади. Уни ушлаш қийинроқ. Ҳар кимни уриб бўлади, лекин барибир Станионисга қарши жанг учун тайёрланиш осонроқ бўларди", дейди Ғиёсов olamsport.com мухбири Диёрбек Мавлонов билан суҳбатда.

Эслатиб ўтамиз, апрель ойида бўлиб ўтган Эннис — Станионис бирлашувтирувчи жангида Жейрон рақибини олтинчи раундда ТКО орқали мағлубиятга учратган эди.

Аввалроқ, WBA ташкилоти америкалик суперчемпион Жейрон Эннис ҳамда мажбурий даъвогар Шаҳрам Ғиёсов жангига буйруқ бериб, боксчиларнинг жамоаларига музокаралар ўтказиш учун 30 кун мухлат тақдим этганди.