Стефанос Циципас "Ролан Гаррос" 1/4 финалида

Дунёнинг тўққизинчи ракеткаси Стефанос Циципас бош соврин учун курашни давом эттирмоқда. Грециялик теннисчи 3 соату 14 дақиқа давом этган 1/8 финалда ATP рейтингида 35-поғонадан жой олган италиялик Маттео Арнальдини 3/6, 7/6(4), 6/2, 6/2 ҳисобларида таслим этди. Бу теннисчиларнинг ўзаро ўтказган илк учрашуви эди. 

Учрашув статистикаси:

Стефанос Циципас - 7 та эйс, 5 та қўшхато, 5 та брейк

Маттео Арнальди - 7 та эйс, 2 та қўшхато, 2 та брейк

Энди Стефанос Циципас Франция Очиқ чемпионатининг 1/4 финалида испаниялик Карлос Алькаразга қарши кортга чиқади.