Стивен Томпсон қозоғистонлик рақибининг нозик томонлари борлигини айтди

Томонлар ўртасидаги жанг 16 декабрь куни Лас-Вегасда ўтказилади.

"Менимча, услубий жиҳатдан бизнинг жангимиз бир-бирига ўхшаш. У "стойка"да туришдан қўрқмайди, буни биз Жефф Нилга қарши жангда кўрдик. Ўша жангда унинг кўплаб яхши томонларини кўрганмиз. Агарда ушбу услуби ўхшамаса, рақибга оёғида зарба беришга ва ортиқча ҳаракат қилишга шошилмайди. Унинг кураш ва жиу-житсудаги даражаси юқори, аммо ҳар бир жангини "стойка"да бошлайди.

Қайсидир вазиятларда у мени йиқитишга ҳаракат қилиши мумкин, бироқ бундай ҳолатларга тайёр тураман. Ундан ташқари, у Жеффни партерга ўтказа олмаганидан ҳайратда қолдим. Жеффнинг бўйи пастрой ва гавдалироқ бўлгани учун тейдаунлардан яхши ҳимояланди. Ўшанда унинг энг яхши ҳолатини кўрмадик. Шунда ҳам у яхши жанг намойиш қилди ва Шавкатга бир қанча яхши зарбалар берди.

Шавкат ҳали кучаяди. Бироқ унинг Нилга қарши жангида бир қанча нозик томонларини кўрдим. Жангда ушбу ҳолатлардан фойдаланишга ҳаракат қиламан", - деди Томпсон.