Стол теннисчиларимиз Германиядаги мусобақада иштирок этишади

Режага кўра, ҳамюртларимиз эртага Германиянинг Магдебург шаҳрида старт оладиган “German Open” турнирида қатнашишади.

Мазкур мусобақа мавсумнинг илк нуфузли турнири бўлиб, унда 5 қитъанинг сара стол тенниси усталари ғолиблик учун баҳс олиб боришади. Айни пайтда қуръа натижаси ҳам маълум бўлиб, унга кўра жамоамизнинг биринчи рақамли ракеткаси, Рио Олимпиадаси иштирокчиси Зоҳиджон Кенжаев турнирни эртага ливанлик Ториқ Маҳрумга қарши бошлайди. Яна бир вакилимиз Абдулазиз Анорбоев эса хитойлик Цу Ченчао қаршилигини енгишга ҳаракат қилса, Исломбек Султонов Хитой Таипейи вакили Ванг-Веи Пенг билан ҳисоб-китоб қилади.