09 ноя 17:42
Янгиликлар

Стол тенниси

Стол теннисчиларимизнинг халқаро турнирдаги муваффақиятлари

Қирғиз Республикаси пойтахти Бишкек шаҳрида стол тенниси бўйича клублар ўртасидаги халқаро турнирнинг сўнгги 4-тур баҳслари якунланди.

Қувонарлиси, ушбу мусобақада Иван Виноградов, Aзамат Носиров, Раҳматилло Aбдурашидовдан иборат бўлган Тошкент вилоятининг “Хван Ман Гым-1” жамоаси муваффақиятли иштирок этди. Ушбу жамоа халқаро турнир якунларига кўра, умумжамоа ҳисобида биринчи ўринни эгаллади.

Шунингдек, 2008-2010 йилларда туғилган стол теннисчилар орасидаги яккалик баҳсларида Иван Виноградов бронза медалини қўлга киритди. 2011 йил ва ундан кичик ёш тоифасидаги шахсий баҳсларда Aлихон Камолов биринчи, Раҳматилло Aбдурашидов иккинчи ўринни эгаллади.