Стол тенниси юлдузлари: Хитойлик бўлмаган сўнгги аёл жаҳон чемпиони Хён Джон Хва

Жанубий Корея вакиласи 1969 йилнинг 6 октябрь куни Пусан шаҳрида дунёга келади. Хён 8 ёшидан бошлаб стол тенниси билан жиддий шуғулланишни бошлаган. 1986 йилда Хён Джон Хва Осиё ўйинларида олтин, Осиё чемпионатида эса кумуш медалга эга чиқади. Келаси йили эса Жаҳон чемпионатида ҳам зафар қучади.

 1988 йилда Сеул шаҳри мезбонлик қилган ёзги Олимпия ўйинларида олтин медални қўлга киритишга эришади. Унинг стол теннисидаги энг сўнгги катта натижаси 1993 йилга тўғри келади ва ўша йили Хён яна бир бор дунё биринчилигида олтин медални қўлга киритишга эришади. Хён Джон Хва хитойлик бўлмаган сўнгги аёл жаҳон чемпиони ҳам ҳисобланади. Сабаби 1993 йилги жаҳон биринчилигидан сўнг барча олтин медаллар «Чин» юрти вакилларига насиб қилмоқда.

Эришган ютуқлари:

Олимпия ўйинлари ғолиби
Уч карра Жаҳон чемпиони
Икки карра Осиё ўйинлари ғолиби
Беш карра Осиё чемпиони.