Суарес: “Месси ва мен Неймарга ПСЖга ўтгани хато эканлигини айтганмиз”

“Мен, Месси ва Неймар яхши дўст эдик. Агар ҳар биримиз ўз вазифамизни аъло бажарсак, “Барселона”ни ҳеч ким юта олмасди. Баъзида биримизнинг ўйинимиз чиқмай қолса, қолган иккитаси ўйин тақдирини ҳал қиларди. Биз Неймарга ПСЖга ўтиш хато эканлигини айтгандик. 

У дунёнинг энг зўри бўлиш учун Мессини олдида қолиши керак эди. Бироқ Неймар ўзининг қарорини қабул қилди ва жамоани тарк этди”,-деди Суарес.

Эслатиб ўтамиз, Неймар 2017-2023 йиллар оралиғида ПСЖда ҳаракат қилган. У ёзги трансфер бозорида “Ал Ҳилол”га кўчиб ўтди. Айни вақтда 31 ёшли футболчи жароҳатини даволаш билан банд.