Султонов Бельгия турнирининг бош совринини кўзлаяпти

Мукофот жамғармаси 25 000 АҚШ долларини ташкил этувчи ушбу турнирда Ҳумоюн Султонов ҳам муваффақиятли одимлаяпти. Ҳамюртимиз турнирда иккинчи рақам остида таснифланган бўлиб, ўз иштирокини бироз қийин бўлган ғалаба билан бошлаганди.  

Мамлакатимизнинг биринчи ракеткаси иккинчи даврада ҳам қаршиликка дуч келди. Мезбонлар вакили ATP рейтингида 1908-поғонада бораётган Харолдьд Хуэнсга қарши кечган учрашувда Ҳумоюн 6/1, 3/6, 6/1 ҳисобида зафар қучди. 

Қизиғи, дунёнинг 331-ракеткаси бўлиб турган Султоновнинг учинчи рақиби ҳам бельгиялик теннисчи ҳисобланади. Ҳамюртимиз 1/4 финалда Байли Жиллесга қарши кортга чиқади. Ушбу учрашув бизнинг вақт билан соат 18:00да бошланади.