22 сен 11:48
Янгиликлар

Теннис

Султонов Чимкентда финал остонасида тўхтатилди

Қозоғистоннинг Чимкент шаҳрида ўтказилаётган теннис бўйича “Фьючерс” туркумига кирувчи турнир ўзининг қизғин палласига кирди.

Соврин жамғармаси 25 000 АҚШ долларини ташкил қилувчи мусобақанинг яккалик баҳсларида муваффақиятли иштирок этган ҳамюртимиз Ҳумоюн Султонов финал остонасида тўхтатилди.

Истеъдодли теннисчимиз ярим финал учрашувида Босния ва Герцеговиния вакили, турнирнинг бешинчи ракеткаси Томислав Бркичга 1:6, 2:6 ҳисобида имкониятни бой бериб қўйди. 18 ёшли Ҳумоюн дунё рейтингида 940, 27 ёшли Бркич эса 271-ўринни эгаллаб турибди.