Султонов Португалия турнири 1/4 финалида, Фомин эса ютқазди

Мукофот жамғармаси 25 000 АҚШ долларини ташкил қилувчи ушбу мусобақада мамлакатимизнинг биринчи ва иккинчи ракеткалари Ҳумоюн Султонов ҳамда Сергей Фомин ҳам иштирок этяпти. 

Султонов илк даврада колумбиялик Алехандро Родригесдан 7/5, 6/2 ҳисобида устун келганди. Иккинчи босқичда эса португалиялик Родриго Фернандес 6/1, 6/2 ҳисобида мағлуб этилди. Бугун у 1/4 финалда испаниялик Карлос Лопес Монтагудга қарши кортга чиқади. 

Афсуски, Сергей Фомин 1/4 финал учрашувида рейтингда ўзидан 200 поғона юқорида бораётган испаниялик Мартин Ландалусега 1/6, 6/7, тай-брекда 10:12 ҳисобида имкониятни бой бериб қўйди. Фомин ATP рейтингида 665, Ландалусе 465-поғонани эгаллаб турибди. 

Таққослаш учун, турнирда тўртинчи рақам остида таснифланган Султонов ATP рейтингида 354, Монтагуд 430-поғонадан жой олган. Бу теннисчиларнинг ўзаро ўтказган илк учрашуви бўлади. Ушбу баҳс бизнинг вақт билан соат 15:00да бошланади.