Султонов рейтингда ўзидан 111 поғона пастдаги теннисчига ютқазди

Мукофот жамғармаси 25 000 АҚШ долларини ташкил этувчи ушбу мусобақада Ҳумоюн Султонов ҳам ўз имкониятини синаб кўраётганди. Ҳамюртимиз турнирда биринчи рақам остида таснифланган бўлиб, айни пайтда дунёнинг 339-ракеткаси бўлиб турибди. 

Афсуски, у 1/4 финалда франциялик Робин Бертрандга имкониятни бой бериб қўйди. Икки соату 23 дақиқа давом этган баҳсда турнирда 7-рақам остида таснифланган, ATP рейтингида 450-ўринни эгаллаб турган Робин иродали ғалабага эришди - 1/6, 6/1, 6/4.    

Ҳумоюн учрашув давомида 7 та, рақиби эса 3 та эйс зарбасини амалга оширган. Қўшхатолар Бертрандда биттага кўпроқ бўлди - 3 га 2.