Султонов Рим "Челленжер"ида биринчи ракеткага қарши уч сетлик учрашув ўтказди

Мукофот жамғармаси 54 000 АҚШ долларини ташкил этувчи мазкур мусобақада Ўзбекистоннинг биринчи ракеткаси Ҳумоюн Султонов ҳам иштирок этяпти. Ҳамюртимиз қуръа натижасига кўра, илк даврадаёқ турнирнинг биринчи ракеткаси, литвалик Вилиус Гаубасга қарши кортга чиқди. 

Икки соату 26 дақиқа давом этган баҳсда истеъдодли Гаубас ўзидан 6 ёшга катта Султоновни 3/6, 6/4, 6/2 ҳисобида мағлуб этиб, 1/8 финалга йўл олди. Вилиус 5 та эйс зарбани амалга оширган бир паллада, Ҳумоюнда бу кўрсаткич "нол"ни ташкил этди. Бу теннисчиларнинг ўзаро ўтказган илк учрашуви бўлди.  

Маълумот учун, 26 ёшли Ҳумоюн Султонов ATP рейтингида айни дамда 224-ўринни эгаллаб турган бўлса, 20 яшар Гаубас 149-ўринда қайд этилган. Энди теннисчимиз бор эътиборини мусобақанинг жуфтлик баҳсларидаги иштирокига қаратади.