01 фев 10:38
Янгиликлар

Теннис

Султонов Таиланд турнири финалига йўл олди

Таиланднинг Нонтабури шаҳри мезбонлик қилаётган теннис бўйича ITF турнири ўз якуни сари яқинлашмоқда.

Мукофот жамғармаси 25 000 АҚШ долларини ташкил этувчи мазкур турнирда истеъдодли теннисчимиз Ҳумоюн Султонов ҳам муваффақиятли одимламоқда. Ҳамюртимиз бир неча дақиқа аввал якунига етган ярим финал учрашувида ғалабага эришди.

Дунё рейтингида 330-ўринни эгаллаб турган Султонов ўзидан 22 поғонада пастда бораётган мисрлик рақиби Карим-Муҳаммад Маамунни 6:1, 6:2 ҳисобида мағлуб этиб, финалга йўл олди. Ҳумоюннинг бош соврин учун баҳсдаги рақиби хорватиялик Матия Пекотич бўлади.

Маълумот учун, ATP рейтингида 395-поғонадан жой олган Пекотич бугун ярим финал учрашувида чехиялик Адам Павлашекдан 6:3, 6:4 ҳисобида устун келди. Султонов турнирнинг еттинчи ракеткаси сифатида ҳаракат қилмоқда.