25 июн 15:51
Янгиликлар

Теннис

Султонов Загребдаги турнирнинг 1/4 финалига чиқди

Хорватия пойтахти Загреб шаҳрида теннис бўйича М25 тоифасига кирувчи турнир бўлиб ўтмоқда.

Унда мамлакатимизнинг иккинчи ракеткаси Ҳумоюн Султонов ҳам муваффақиятли одимлаяпти. Ҳамюртимиз 1/16 финалда польшалик Петр Галусни 7/6(5), 6/3 ҳисобида мағлубиятга учратган эди. Бироз аввал 1/8 финалда хорватиялик Антонио Вольявец ҳам таслим этилди - 6/2, 6/2.

Таққослаш учун, Султонов айни пайтда ATP рейтингида 632, Галус 1757, Вольявец эса 1547-поғонадан жой олган. Турнирда еттинчи рақам остида таснифланган Ҳумоюн эртанги 1/4 финалдаги рақиби бироздан сўнг аниқланади.