15 июн 11:48
Янгиликлар
Суперлига. Бугун 4-турнинг сўнгги учта учрашуви бўлади
Coca Cola Суперлига. 4-тур. 15 июнь, душанба
18:00 “Сурхон” — “Машъал” “Dunyo bo`ylab” TV LIVE
Ҳакамлар: Акобирхўжа Шукуруллаев, Виктор Серазитдинов, Сардор Нишонбев, Тўрабек Суюнов
Воҳанинг ушбу икки клуби бугунга қадар миллий чемпионатимизда 10 та ўзаро ўйин ўтказишган. 5 бор "газчилар" 3 очко эгасига айланишган, 2 марта термизликларнинг қўли баланд келган. Учта ўйинда дуранг кузатилган.
Бу жамоалар элитада 2004 йилги мавсумда тўқнаш келишган. "Машъал" ўз тарихида ҳеч қачон Термизда ғалаба қозона олмаган.
18:30 “Бухоро” — “Андижон” “Sport” TV LIVE
Ҳакамлар: Аскер Нажафалиев, Темур Галеев, Дониёр Сайлавов, Санжар Назаров
"Бухоро" ва "Андижон" ўзаро 46 та учрашув ўтказишган. 21 та баҳсда "Бухоро", 13 та ўйинда "Андижон" муваффақият қозонган. 12 та учрашувда ғолиб аниқланмаган.
"Бургутлар" бу рақиб майдонида ўтган 23 та учрашувнинг фақат биттасида ғалаба билан қайтишган (2008 йил). "Бухоро" ўз уйида охирги 5 та учрашувнинг барчасида бу жамоани мағлуб этган.
19:00 “Локомотив” — “Металлург” “Mahalla” TV LIVE
Ҳакамлар: Фирдавс Норсафаров, Шохрух Аъзамов, Артём Калинин, Достон Мирзараимов
Ушбу жамоалар ҳозирга қадар Ўзбекистон чемпионатида 32 бор тўқнаш келишган. 18 марта "темирйўлчилар", 4 бор бекободликлар ғолиб бўлишган. Қолган 10та учрашувда дуранг қайд этилган.
"Металлург" ўз тарихида ҳеч қачон "Локомотив" майдонида ғалаба қозона олмаган (4та дуранг ва 12та мағлубият).
Фикрлар