Супероғир вазнли Ўзбекистон чемпиони проф боксда дебют қилди. Жанг муддатидан олдин якунланди

Катталар ўртасида икки карра Ўзбекистон чемпиони, ёшлар ўртасида Осиё чемпиони Лазизбек Муллажонов бугун ушбу жанг оқшоми доирасида ўзининг проф рингдаги дебют жангини ўтказди. 

Бу баҳсда Фарғона бокс мактаби тарбияланувчиси ҳисобланган Лазизбекка россиялик Александр Степанов рақиблик қилди. 6 раундга мўлжалланган жанг иккинчи раунддаёқ ниҳоясига етди. Лазизбек ўзининг зарбалар серияси эвазига рақибини мувозанатдан чиқарди. Ҳакам ҳисобни очган вазиятда Степанов жангни давом эттирмаслигини маълум қилди - техник нокаут!

Шу тариқа, боксчимиз проф боксдаги дебютини чиройли ғалаба билан нишонлади. 

Маълумот учун, бунгача Степанов проф боксда 4 та жанг ўтказиб, 2 та ғалаба ва 2 та мағлубият қайд этганди.