UZ

Сўнгги янгиликлар

19:25“Арсенал” 3 нафар футболчиси билан шартномани узайтирмоқда 0 18:44Муҳаммаджон Машарипов — ёшлар ўртасидаги Жаҳон чемпиони! 0 18:24"Жаҳон чемпионлик камари учун жанг - унинг қайтишига туртки бўлиши мумкин" - менежер Кличко ҳақида гапирди 0 17:41UFC 2021 йилдан бери жанг ўтказмаган спортчини четлатди 0 16:36Исраэль Адесанья UFC Qatar турнирининг марказий жанги учун тахмин берди 0 15:55Тошкентда ўтадиган Жаҳон кубогида иштирок этадиган боксчиларимиз таркиби эълон қилинди 0 15:30"Бунёдкор" ва "Сўғдиёна" собиқ легионерига Ўзбекистон клублари қизиқиш билдирди, аммо у ўз мамлакатида қолди 0 14:14Бектемир Мелиқўзиев ESPN рейтингида кучли ўнликка кириб олди 0 13:39Ҳасанбой Дўсматовнинг чемпионлик жанги тасдиқланди 0 12:28Манба: Усман Нурмагомедов жамоаси билан БААда ҳибсга олинганидан сўнг Россияга қайтди 0 11:47"Пахтакор"га қарши ўйин олдидан "Ал-Иттиҳод" бош мураббийи 6 нафар ёш футболчини асосий жамоага жалб қилди 0 11:13Макгрегор Перрининг устидан мазах қилди 0 10:35Тошкентда дзюдо бўйича ёшлар ўртасидаги Жаҳон чемпионати старт олди 0 09:56Хабиб октагонга қайтиш учун таклиф қилинган 200 миллион доллардан воз кечди 0 09:05ЖЧ-2030`да ҳам сув ичиш учун танаффуслар сақланиб қолиши мумкин 0

06 июл 10:27
Янгиликлар

Шахмат

SuperUnited Rapid & Blitz Croatia 2026. Нодирбек ва Алиреза бир хилда очко тўплади, чемпион номини армагедон ҳал қилди

Хорватиянинг Загреб шаҳрида ўтказилган шахмат бўйича мукофот жамғармаси 200 000 АҚШ долларини ташкил этувчи нуфузли турнир ўз якунига етди.

Grand Chess Tour’нинг учинчи босқичи ҳисобланган SuperUnited Rapid & Blitz Croatia 2026 турнирида ҳамюртимиз Нодирбек Абдусатторов ҳам муваффақиятли иштирок этди. Мусобақа рапид ва блиц бўйича ўтказилиб, 10 нафар гроссмейстер бош соврин учун баҳс олиб борди. 

Турнир иштирокчилари: Нодирбек Абдусатторов, Алирежа Фирузджа, Максим Вашье-Лаграв (иккиси ҳам Франция), Рамешбабу Праггнанандҳа, Гукеш Доммараджу (иккиси ҳам Ҳиндистон), Аниш Гири, Йорден Ван Форест (иккиси ҳам Нидерландия), Винсент Кеймер (Германия), Богдан-Даниель Дик (Руминия), Иван Сарич (Хорватия).


Мусобақа формати ва вақт назорати:

Рапид: 25 дақиқа + 10 сония (9 раунд)

Блиц: 5 дақиқа + 2 сония (18 раунд)


Турнирнинг рапид баҳсларида Нодирбек Абдусатторов 11 очко билан 3-ўринни банд этганди. Икки кунлик блиц, яъни тезкор шахмат бўйича ўтказилган 18 турдан иборат муросасиз баҳсларда Нодирбек франциялик пешқадам Алиреза Фирузджани очколар бўйича қувиб етди. Сўнгги турда очколар тенг бўлиб турган ҳолатда улар ўзаро тўқнаш келишди. Муқаррар мағлубият ҳолатини дурангга олиб чиқиб кетган Нодирбек рақиби билан бир хил - 24 очкодан жамғарди. 

Регламентга кўра, чемпион номини аниқлаш учун тай-брекка мурожаат қилинди. Тай-брекнинг иккала партиясида ҳам кучлар тенг келди - гроссмейстерлар дуранг ўйнашди. Энди навбат армагедон партиясига келди. Қуръага кўра Нодирбек оқ доналарда ўйнайдиган бўлди. Қоидага мувофиқ қора донада ўйнайдиган шахматчи дуранг ўйнаган тақдирда ҳам ғолиб деб топилади ва чемпионликка эришади. Якунда ҳам шундай бўлди. Армагедон дуранг билан тугади ва Алиреза ғалаба қозонмай туриб, мусобақа чемпионига айланди.

Чемпионлик Алиреза Фирузджага 47 500, иккинчи ўрин соҳиби Нодирбек Абдусатторовга 42 500 АҚШ доллари миқдорида мукофот пули келтирди. Бир хилда очко тўплаб, учинчи ва тўртинчи ўринлардан жой олган ҳиндистонлик Рамешбабу Праггнанандҳа ҳамда француз Максим Вашье-Лаграв 25 000 долларга эга чиқишди. Нодирбекка иккала партияда ҳам ютқазган амалдаги жаҳон чемпиони Гукеш Доммараджу 6-ўрин билан кифояланди. 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг