Сув полоси. Эркаклар ва аёллар терма жамоаларимизнинг Осиё чемпионатидаги рақиблари маълум

Мусобақада Ўзбекистон эркаклар ва аёллар терма жамоалари ҳам иштирок этади. Жамоаларимиз қуръа натижасига кўра, қитъанинг энг кучли сув полочилари билан куч синашади.

Эркаклар жамоалари икки гуруҳга бўлинган:

"А" гуруҳи: Хитой, Қозоғистон, Сингапур, Гонконг.

"Б" гуруҳи: Корея Республикаси, Япония, Ўзбекистон, Эрон, Хитой Тайпейи.

Аёллар ўртасидаги турнир давра тизимида ўтказилади. Олтита жамоа медаллар учун кураш олиб боради: Хитой, Қозоғистон, Ўзбекистон, Сингапур, Гонконг, Япония.

Осиё чемпионати медаллар учун курашдан ташқари, Сингапурда бўлиб ўтадиган сув спорти бўйича жаҳон чемпионатига саралаш босқичи вазифасини ҳам ўтайди. Эркаклар ўртасидаги энг кучли уч жамоа жаҳон чемпионатига, аёллар ўртасидаги турнирда эса энг яхши икки жамоа жаҳон чемпионатига йўлланмани қўлга киритади.

Айни пайтда Ўзбекистон терма жамоалари бўлажак чемпионатга қизғин тайёргарликни давом эттирмоқда.