Сув спорт турлари бўйича жаҳон чемпионати 2022 йилга кўчирилди

Бу ҳақида Халқаро сузиш федерацияси расмий сайтида хабар чоп этилди. Аслида ушбу жаҳон чемпионати 2021 йилнинг 16 июлидан 1 августига қадар Япониянинг Фукуока шаҳрида ўтказилиши керак эди. 

Шу йили ўтказилиши керак бўлган Токио-2020 Олимпиадаси эса коронавирус пандемияси сабаб 2021 йилга кўчирилди. Олимпиада 23 июлдан 8 августга қадар ўтказилади. Бир пайтда иккита нуфузли турнирни бир давлатда ўтказишнинг имкони йўқ. Шу сабабдан ҳам сув спорт турлари бўйича жаҳон чемпионати 2022 йилнинг 13-29 май кунларига кўчирилди.