Svijany Open. Султоновнинг рейтингда ўзидан 213 поғона юқоридаги рақибга қарши баҳси бир сет давом этди

Ушбу мусобақанинг саралаш баҳсларида ҳамюртимиз Ҳумоюн Султонов ҳам муваффақиятли иштирок этиб, икки ғалаба эвазига асосий тўр йўлланмасини қўлга киритган эди. Мамлакатимизнинг иккинчи ракеткаси 1/2 финалда чехиялик Доминик Речекни 6/3, 6/2, асосий тўрга йўлланма берган финал учрашувида украиналик Александр Брайнинни 3/6, 6/3, 7/5 ҳисобида таслим этганди.

Афсуски, асосий тўрнинг илк даврасида ҳамюртимиз жароҳат сабаб баҳсни якунига етказа олмади. Султонов 1/16 финалда хорватиялик Дуйе Айдуковичга қарши кортга чиқди. Биринчи сет тай-брекда 25 ёшли Дуйе фойдасига ҳал бўлди - 7/6(3). Иккинчи сетга эса Ҳумоюн жароҳати сабаб чиқа олмади ва натижада Айдукович 1/8 финалга омад туфайли йўл олди.  

Таққослаш учун, Ҳумоюн Султонов айни пайтда ATP рейтингида 520, Дуйе Айдукович 307-ўринни эгаллаб турибди.