28 окт 19:46
Янгиликлар

Теннис

Свитолина Сингапурда Слоан Стивенсни "синдирди"!

Сингапур мезбонлик қилган теннис бўйича йилнинг Якуний WTA турнири ўз ниҳоясига етди.

Дунёнинг энг кучли саккиз нафар теннис маликаларини ўзида жамлаган BNP Paribas WTA Finals Singapore турнирининг соврин жамғармаси 7 миллион долларни ташкил этди.

Турнирнинг ҳал қилувчи финал учрашувида украиналик Элина Свитолина америкалик Слоан Стивенсга қарши кортга чиқди. Икки соату 23 дақиқа давом этган баҳс якунида Свитолина 3/6, 6/2, 6/2 ҳисобида зафар қучиб, бош мукофот соҳибасига айланди.

Икки теннисчи ўртасидаги ўзаро учрашувлардаги ҳисоб тенглашди - 2:2. Бу Элина учун жорий мавсумдаги тўртинчи, фаолиятидаги ўн учинчи соврин бўлди.