Таэквондо бўйича Осиё чемпионатида Энг яхши спортчи ва мураббий номига сазовор бўлдик

Қитъамизнинг энг кучли таэквондочилари қатнашган мазкур мусобақада терма жамоамиз 4 та олтин, 1 та кумуш ва 2 та бронза, жами 7 та медаль қўлга киритди. 

Мазкур турнир бир қатор янги номларни кашф қилиб берди. Улар орасида ўзининг ажойиб техникаси ва ҳаракатлари билан ажралиб турган Жасур Жайсуновнинг иштироки мутахассислар томонидан алоҳида эътироф этилди. -74 кг вазн тоифасида олтин медални қўлга киритган Жайсунов мусобақанинг “Энг яхши эркак спортчиси” деб топилди. 

Таэквондо бўйича Осиё чемпионатларида кореялик спортчилар эркаклар ўртасида мунтазам равишда умумжамоа ҳисобида биринчи ўринни қўлга киритиб келишган. Бироқ бу йил, янада эътиборлиси, ушбу спорт ватанида ўтган қитъа биринчилигида ушбу анъанага барҳам берилди. 

Шубҳасиз, ўз тарихида илк бор Осиё биринчилигида 4 та олтин медаль жамғарган эркаклар жамоамизнинг устози Павел Хан “Энг яхши мураббий” сифатида тан олинди.