22 мар 20:41
Янгиликлар

Таэквондо

Таэквондо ITF. Ўзбекистон чемпионатида кучлилар сараланди + ФОТО

Пойтахтимиздаги "Универсал" спорт саройида таэквондонинг ITF йўналиши бўйича Ўзбекистон чемпионати бўлиб ўтди.

Наврўз байрами арафасида ўтган ушбу мусобақа шу йил октябрь ойида Финляндияда ўтказиладиган жаҳон чемпионатига саралаш вазифасини ҳам ўтаб берди. Мамлакат чемпионатида 500 нафардан зиёд иштирокчи даянга чиқди. Улардан 100 нафардан ортиғини қиз болалар ташкил этиб берди.

Муросасиз кечган беллашувлар якунига кўра умумжамоа ҳисобида Тошкент шаҳри жамоаси биринчи ўринни эгаллади. Бухоро вилояти жамоаси иккинчи ўринни банд этган бўлса, кучли учликка жиззахлик таэквондочилар якун ясаб беришди.