16 июл 16:31
Янгиликлар

Таэквондо

Таэквондо. Осиповада олтин, Рафаловичда бронза. Тўрт нафар ҳамюртимиз Кореяда совриндор бўлди

Жанубий Кореяда таэквондо бўйича "Kimunyong Cup" халқаро турнири ниҳоясига етди.

Қувонарлиси, G1 тоифасидаги мазкур турнир ҳамюртларимиз учун муваффақиятли келди.

Ўзбекистон таэквондо WTF ассоциациясининг хабар беришича, мусобақада аёллар ўртасида +73 кг вазн тоифасида юртимиз шарафини ҳимоя қилган Светлана Осипова барча рақибларини мағлуб этган ҳолда, олтин медалга сазовор бўлди.

Эркаклар ўртасида +87 кг вазнли Шохрух Ражабов кумуш медалга эга чиқди. Шунингдек, -49 кг вазнли Мадина Маннопова ва -80 кг вазнли Никита Рафалович терма жамоамиз ҳисобига бронза медалини қўшиб қўйишди.