21 май 18:10
Янгиликлар
Таэквондо
Таэквондо. Улуғбек Рашитов қозоғистонлик рақибини мағлубиятга учратиб, Токио Олимпиадаси лицензиясини қўлга киритди
Иорданиянинг Амман шаҳрида таэквондо WT бўйича Осиё қитъаси спортчилари учун Токио Олимпиадасига йўлланма берувчи мусобақа ўтказилмоқда.
Мусобақада -68 кг вазн тоифасида юртимиз шарафини ҳимоя қилаётган Улуғбек Рашитов бунгача икки рақибини мағлубиятга учратиб, ярим финалга етиб келгани ҳақида аввалроқ хабар қилгандик.
Ҳозиргина у ярим финалда қозоғистонлик Қайрат Саримсақовга қарши жанг қилди ва 17:6 ҳисобида ғалаба қозониб, финалга йўл олди. Ушбу ғалаба орқали Улуғбек Токио Олимпиадаси лицензиясини ҳам нақд қилиб қўйди.
Эслатиб ўтамиз, у бунгача Мўғулистон ва Филиппин вакилларига қарши жанг қилиб, ғалаба қозонганди.
www.olamsport.com сайти номидан Улуғбек Рашитов, унинг яқинлари ва Ўзбекистон таэквондо WT ассоциациясини муборакбод этамиз.
Ҳавола :
Манба : olamsport.com
Фикрлар