Таэквондо WT бўйича ёшлар ўртасидаги жаҳон чемпионатига бағишланган флешмоб ўтказилди ФОТОРЕПОРТАЖ

Унда юртимизнинг кўплаб ҳудудларида таэквондо билан шуғулланаётган ёшлар, кўргазмали чиқишлари билан машҳур бўлган жанубий кореялик спортчилар иштирок этиб, қатнашчиларда унутилмас таассурот қолдиришди.

Тадбир давомида иштирокчилар таэквондонинг чиройи ва жозибасини намоён этувчи турли техника ва комбинацияларни ижро этиб, ўз маҳоратини кўрсатишди. Ёрқин чиқишлар спорт мухлисларда катта қизиқиш уйғотиб, мусобақа олдидан юқори кайфият бағишлади.

Флешмоб доирасида 2025 йил фаолияти билан ажралиб турган ҳудудий бўлимлар тақдирланди. Расмийлар тадбирда қатнашган ёш спортчиларга эсдалик совғаларини улашди.