Таэквондочиларимиз Тошкентда еттита хорижий терма жамоа билан биргаликда халқаро ўқув-машғулот йиғинига киришмоқда

Кеча эса пойтахтимизга Хитой, Тунис, Грузия, Саудия Арабистони каби мамлакатларнинг ушбу спорт тури бўйича миллий терма жамоалари катта таркибда етиб келди. Бугун улар қаторига Беларус ва Иордания термалари ҳам қўшилади. Шу тариқа, саккизта терма жамоа иштирокида халқаро ўқув-машғулот йиғини ўтказилади.

Қўшма йиғин доирасида машғулотлар 21 апрелга қадар давом этади. Машғулотлар давомида ҳар бир спортчининг синов спаррингларида иштирок этиши белгиланган.

Аҳамиятлиси, Тошкентдаги йиғинда Олимпиада ва Жаҳон чемпионатларининг бир қатор ғолиб ва совриндорлари иштирок этмоқда, жумладан, Моҳамед Халил Жендуби (58 кг вазнда Париж-2024 ёзги Олимпия ўйинларининг бронза медали совриндори);

Улуғбек Рашитов (68 кг вазнда Париж-2024 ёзги Олимпия ўйинлари ғолиби); 

Лианг Юшуаи (68 кг вазнда Париж-2024 ёзги Олимпия ўйинларининг бронза медали совриндори);

Фирас Катуси (80 кг вазнда  Париж-2024 ёзги Олимпия ўйинлари ғолиби);

Светлана Осипова (+67 кг вазнда Париж-2024 Олимпия ўйинларининг веце чемпиони);

Салеҳ Элшарабати (80 кг вазнда Токё-2020 ёзги Олимпия ўйинларининг кумуш медали совриндори);

Георги Гуртсиев — 2023-йилги Жаҳон чемпионатининг кумуш медали соҳиби;

Заид Алҳалавани — 2022-йилги Жаҳон чемпионатининг бронза медали совриндори.