23 апр 16:48
Янгиликлар
Таэквондо
Таэквондочиларимиз Хитойдаги нуфузли мусобақани 5 та медал билан бошлади, Жасурбек Жайсунов ва Марат Мавлоновда олтин
Бугун Хитойнинг Тайян шаҳрида таэквондо WТ бўйича G3 классификациясидаги "Бутунжаҳон таэквондо федерацияси Президенти кубоги"нинг Осиё минтақаси учун мўлжалланган мусобақаси старт олди.
Илк кун доирасида эркаклар ўртасида +87 кг, -87 кг, -80 кг, -74 кг, аёллар ўртасида эса -46 кг, -49 кг, -53 кг, ҳамда -57 кг вазн тоифаларидаги беллашувлар ташкил этилди.
Унда Павел Хан бошчилигидаги Ўзбекистон миллий терма жамоасининг жами 13 нафар таеквондочиси даянгга кўтарилди. Беллашувлар якунида вакилларимиз 2 та олтин, 1 та кумуш ва 2 та бронза, жами 5 та медалга эга чиқишди.
Олтин:
Жасурбек Жайсунов (-80 кг)
Марат Мавлонов (+87 кг).
Кумуш:
Шуҳрат Салаев (-87 кг).
Бронза:
Ёдгорбек Жўрабоев (-87 кг)
Мадина Мирабзалова (-57 кг).
Эртага турнир доирасида беллашувлар давом эттирилади.
Ҳавола :
Манба : t.me/uzbtaekwondowt
Фикрлар