13 апр 16:51
Янгиликлар

Бокс/ММА

Тарихий жанг қироличалари тарозига чиқишди

Бизнинг вақт билан эртага тонг саҳарда АҚШнинг Атлантик-Сити шаҳрида профессионал бокс кечаси бўлиб ўтади.

Оқшомнинг қизиқарли жангларидан бирида ўрта вазн тоифаси вакиллари - Кларисса Шилдс ва Кристина Хаммер ўзаро тўқнаш келишади. Бирлаштирувчи чемпионлик жанги мақомидаги бахс тарихий аҳамиятга эга бўлиб, ғолиб боксчи қиз 4та чемпионлик камаридан ташқари ўрта вазнда The Ring камари соҳибасига ҳам айланади.

Айни пайтда Кларисса Шилдс WBC, WBA ва IBF, Кристина Хаммер эса WBO чемпиони бўлиб турибди. Бугун боксчилар тарозидан ўтиш маросимида иштирок этишди. Шилдс - 72,3 кг, Хаммер эса 72,1 кг тош босди. Иккала боксчи ҳам белгиланган вазн (72,6 кг) меъёрини бажаришди.