24 сен 11:41
Янгиликлар

Теннис

Tashkent Open. Эшени Бушар иштирокидаги баҳс якунланди

WTA таснифига кирувчи Tashkent Open мусобақасининг илк кунидан ўрин олган яккаликдаги иккинчи учрашув якунланди.

Унда дунёнинг собиқ бешинчи ракеткаси Эжени Бушар ўз маҳоратини намойиш этди. Канадалик мафтункор теннис маликаси япониялик Нао Хибинога қарши кортга чиқди. Бир соату 28 дақиқа давом этган учрашувда 24 ёшли Бушар рақибасига 3:6, 3:6 ҳисобида ютқазиб қўйди.

Таққослаш учун, бугунги кунда Хибино дунё рейтингида 128, Бушар эса 107-ўринни эгаллаб турибди. Теннисчилар шу кунгача бугунгиси билан қўшиб ҳисоблаганда ўзаро уч маротаба тўқнаш келишди. Уччала баҳсда ҳам Хибино ғалабага эришди.