Тавсия этамиз! Канело меросини ҳимоя қилиш ва танқидчиларга жавоб беришга, Бивол эса Саулни «пуфак» чемпион эканини исботлашга уринади

7 майдан 8 майга ўтар кечаси узоқ кутилган чемпионлик жанги бўлиб ўтади ҳамда унда Сауль Альварес ва Дмитрий Бивол тўқнаш келади. Россиялик жангчига тегишли бўлган ярим оғир вазн тоифасидаги WBА камари ҳавф остида бўлади. Биволда тарих яратиш имконияти бор... 

Жанг ўтказиладиган манзил - Лас-Вегас Т-Моbile Arena (Невада, АҚШ)

Канело рақиб савиясини ошириш ҳақида ўйлаяптими?

Канело Альварес - жаҳон боксининг юзи. У билан учрашиш ҳар қандай жангчини бой қилади. Айнан Канело нафақат энг кўп маош олувчи жангчи, балки вазн тоифасидан қатъий назар, энг яхши боксчи ҳисобланади. Ҳеч бўлмаганда Тhe Ring журнали шундай деб ўйлайди.

Ўтган йили мексикалик суперўрта вазн тоифасини забт этиб, у ерда барча тўртта нуфузли камарни ўз қўлида бирлаштирди. Шу тариқа у мутлақ жаҳон чемпионига айланди. Бу ноёб ва жуда кам учрайдиган ютуқ. Аммо, бу икки омил томонидан бироз қадрсизланади. Биринчиси, рақиб топишнинг қулайлиги. Гап шундаки, Альварес бу вазнда рейтинг жангларини ўтказмаган ва дарҳол юқорига сакраб ўтган. Иккинчиси - қарама-қаршилик даражаси. Билли Жо Сондерс улардан бири. Аммо, Калеб Плант, Рокки Филдинг ва Каллум Смит, ҳатто елкасида чемпионлик камари бўлса ҳам, уларни Топ жангчилар деб аташ қийин.

Шу сабабли ҳам мексикаликнинг эришганлари қадрсизланади. Кейин Канело зудлик билан биринчи оғир вазн тоифасига ўтиши ҳақида миш-мишлар тарқалди. У ерда у барча чемпионларнинг энг осон нишони - Илунга Макабуни кўрди. Улар аллақачон матбуот анжуманида учрашишган. Ва уларнинг тўқнашуви муқаррар бўлиб туюлди. Бундан ташқари, Макабу камарни 2022 йил бошида Табисо Мчунудан муваффақиятли ҳимоя қилди.

Аммо, мексикалик DAZN орқали босим ўтказиб, у энг яхшиларга қарши курашиш кераклигига ишора қилди

Телерадиокомпания Канелонинг Геннадий Головкин билан учинчи марта учрашишини кўрмоқчи. Лекин бу Альварес учун стилистик жиҳатдан ноқулай бўлган Бивол билан қарама-қаршиликдан кейингина содир бўлади. Россиялик билан жанг Канелонинг ҳақиқий кучини кўрсатади. Агар мексикалик жангда ҳакамларга сўз қолдирмай ғалаба қозонса, у барча танқидчиларнинг оғзини ёпади. Шу билан бирга, Сергей Ковалёв билан бўлган ўша кулгили тўқнашувни унутиш мумкин бўлади.

Агар мексикалик ютқазса, унинг буюклигини ҳам ишонч билан унутиш мумкин. Томошабинлар атиргул рангли кўзойнагини ечиб, кўзларини бошқа - Теренс Кроуфорд, Тайсон Фьюри, Александр Усик ва Василий Ломаченко каби юлдузларга қаратади.

Бивол фаолиятидаги асосий жанг

Дмитрий Биволни, албатта, ярим оғир вазн тоифасида чемпионларнинг энг кучсизи деб атаб бўлмайди. Бироқ у элитадаги ўрни билан ҳам мақтана олмайди. Дмитрийнинг энг кўзга кўринган рақиблари Жан Паскал, Исаак Чилемба, Жо Смит Жуниор ва Салливан Баррера. Аммо, бу Канело дуч келган жангчиларга нисбатан ҳеч нарса эмас: Геннадий Головкин, Мигель Анхель Котто, Шейн Мосли, Остин Траут, Эрисланди Лара ва бошқалар.

Шунга қарамай, россиялик ажойиб статистикага эга - 19 ғалаба ва бирорта ҳам мағлубият йўқ. Дмитрийнинг кучли жиҳати 12 раунд давомида юқори темпни ушлаб туриш қобилиятида. Бивол биринчи рақамда ҳам, иккинчи рақамда ҳам яхши ишлайди, бу эса Канелога ноқулайликни оширади. У битта эмас, иккиталик зарбалар йўллайди. Бундан ташқари, Дмитрий узоқ масофадан жуда яхши ишлайди. Бўй борасидаги фарқ эса россиялик жангчи фойдасига - тафовут 10 сантиметр.

Ҳа, Альвареснинг арсенали россияликникидан бойроқ. Аммо, сўнгги жангларда Канело буни тўлиқ кўрсатмаяпти. Сауль Биволни мағлуб қилиш учун  универсаллик ва хилма-хилликни ошириши керак.

Биз Биволнинг қўнғироқдан қўнғироқгача 12 раунд жанг қилишга тайёрлигига ишончимиз комил. Дмитрийнинг бўлажак жангда муваффақиятга эришиш учун яхшигина имконияти бор. Фақат бундан амалда фойдаланиши лозим. 

Дарвоқе, Бивол Канелога қарши жангга тайёргарликнинг биринчи босқичини Ўзбекистонда ўтказди.