24 апр 10:10
Янгиликлар

Бокс/ММА

Тайсон Фьюри фаолиятини енгилмас чемпион сифатида якунлади

Супероғир вазн тоифасида WBC йўналиши чемпиони Тайсон Фьюри ҳамюрти Диллиан Уайтга қарши кечган ҳимоя жангидан сўнг фаолиятини якунлаганини эълон қилди.

"Рафиқамга 14 йилдан кейин рингга қайтмайман деб ваъда бергандим ва буни амалда бажараман. Мен барчангизни яхши кўраман. Ҳаммага раҳмат! Менга "Уэмбли"да минглаб мухлислар кўз ўнгида жанг қилиш ёқди. Илиқ қабул учун раҳмат, Буюк Британия", — деди Тайсон Фьюри жангдан кейин.

Эслатиб ўтамиз, Фьюри кеча оқшом Лондонда ватандоши Диллиан Уайтни олтинчи раундда нокаут эвазига мағлуб этган ва чемпионлик камарини муносиб ҳимоя қилган эди. Бу Тайсоннинг 33-жангидаги 32-ғалабаси бўлди. Деонтей Уайлдерга қарши жангда дуранг натижа қайд этилганди. Диллиан эса 31-жангида учинчи мағлубиятини қабул қилиб олди.