20 дек 08:34
Янгиликлар

Бокс/ММА

Тайсон Фьюри Жейк Полнинг Жошуа устидан ғалабаси учун £ 1 млн фунт тикишга ваъда берди

Супероғир вазн тоифасида собиқ жаҳон чемпиони Тайсон Фьюри Жейк Полнинг Энтони Жошуага қарши жанги борасида баландпарвоз баёнот берди.

У шов-шувга ишонишини ва блогернинг ғалабаси учун 1 миллион фунт стерлинг тикишга тайёрлигини айтди.

"Агар улар чиндан ҳам жанг қилса, Жейк Пол учун 1 миллион фунт стерлинг тикаман", - деди Фьюри IFL TV’нинг Х ижтимоий тармоғидаги аккаунтида эълон қилинган интервьюсида.

Дастлаб Фьюри бу баёнотни ноябрь ойида, эҳтимолий жанг ҳақида миш-мишлар пайдо бўлганида берган эди. Ўшанда у, шунингдек, Жошуани чарчаган куч, Полни эса кўтарилган боксчи деб билишини айтганди.

Жейк Пол ва Энтони Жошуа ўртасидаги жанг бироздан сўнг Майамидаги "Касейя-центр"да бошланади. Трансляция Netflix платформасида бўлади.