Тайсон Фьюри: "У хавфли рақиб"

"Менимча, бу ажойиб жанг бўлди. Аввал айтганимдек, бу йигит хавфли рақиб. Бу эса менинг диққатимни жамлашимни англатади. Агар мен унчалик қўрқмайдиган, менга қизиқ бўлмаган жангчи билан тўқнаш келсам, унда мен учун мотивацияни сақлаб қолиш анча қийин бўлади.

Аммо агар сиз Арсланбек каби улкан зарбачига дуч келсангиз... Жангни битта зарба билан тугата оладиган боксчи... Кўрдингизми, у дастлабки раундларда тахминан 14-15 та нокаут қайд этган... Мен ҳеч кимнинг нокаут орқали ғалаба қозонган жанглари рўйхатида бўлишни истамайман. Шунинг учун кўп ишлашим, тайёргарликка ўзимни бағишлашим, диққатимни жамлашим ва йиғиндаги барча муаммоларни ҳал қилишим керак бўлади. Кейин мендан нима қолганини кўрамиз", дейди Фьюри.

Эслатиб ўтамиз, Тайсон Фьюрининг Арсланбек Маҳмудов билан жанги 11 апрель куни Лондондаги Тоттенхэм стадионида бўлиб ўтади.