26 ноя 12:55
Янгиликлар
Теннис
Теннис. Ҳумоюн Султонов Вале-де-Лобо турнири финалига йўл олди, ҳал қилувчи ўйин бугун бўлади
Хабар берганимиздек, Португалиянинг Вале-де-Лобо шаҳрида теннис бўйича "Фьючерс" туркумига кирувчи турнир якуний паллага кириб бормоқда.
Бугун мусобақанинг финал учрашуви ўтказилади.
Аҳамиятлиси, унда Ўзбекистоннинг айни дамдаги биринчи рақамли ракеткаси Ҳумоюн Султонов кортга чиқади. Ҳамюртимиз франциялик Жюль Мари билан баҳс олиб боради. Беллашув бугун, Тошкент вақти билан 17:00 да старт олади.
Кеча ўтказилган ярим финал баҳсларида Ҳумоюн Султонов португалиялик Энрике Рошани, Жюль Мари эса британиялик Пол Жуббни таслим этган эди.
Маълумот ўрнида, Султонов айни дамда дунё рейтингида 436, Жюль Мари эса 253-ўринни эгаллаб турибди.
Ҳавола :
Манба : olamsport.com
Фикрлар