Теренс Кроуфорд: Мағлубият? "Канело" ҳам, мен ҳам Бокс шон-шуҳрат залида бўламиз"

Америкаликнинг фикрича, иккинчи ўрта вазн тоифасида мутлақ жаҳон чемпиони Сауль "Канело" Алваресга қарши жанг натижаси ҳар икки боксчининг тарихдаги ўрнига салбий таъсир ўтказмайди. 

"Биринчидан, ғалаба аниқ меники бўлади, - деди Кроуфорд журналистлар билан суҳбатда. - Мен албатта ютаман. Аммо шу билан бирга, менимча, мағлубият менинг ёки "Канело"нинг келажагига ҳеч қандай доғ туширмайди. Ўйлайманки, мен ҳам, "Канело" ҳам биринчи уринишдаёқ Бокс шон-шуҳрат залига кирамиз. Бу жанг қандай натижа билан тугашидан қатъи назар, биз барибир эртами-кеч, Шон-шараф залида бўламиз. Фикримча, бу асосий мақсад - биздан олдин ўтган буюк боксчилар қаторига кириш, боксда эришган барча ютуқларимиз учун Шон-шараф залига кириш".